0

【點評: Robert Parker紅酒效應背後的男人 - Michel Rolland】
Robert Parker在1978年至今四十餘年一直品評紅酒,因此紅酒釀酒行業一直有個疑團,就係Parkerisation「派克化」會否造成單一化口味。 Robert Parker 💯分評分系統,採用學校考試分數嘅一個概念:先給予全部葡萄酒基本分50分,但即使有再大缺陷的葡萄酒,都會得到最基本嘅50分。實際上的滿分是50分,分佈為色調和外觀最高5分,香味🥀15分,口感20分,然後再針對成熟程度加給10分,而酒精濃度高、酸度低、果味同橡木味濃郁而又口感滑順嘅紅酒往往會得到Parker青睞👍👍。 消費者對高分數字有先入為主的感覺,就算唔係點睇Tasting Note,都會抱有好高期望😇。過去,釀酒廠要回收初期投資需耗費超過20年歲月,但若是新品在品嚐會得到高分評價,不僅不用辛苦販賣葡萄酒,更可能從一開始就以高價📈來銷售。不過,法國人普遍都討厭評分,因為波爾多葡萄酒帶來的多樣性和地域性巳漸漸消失。 你喜歡Parker嘅口味與否,但不能否認評分系統對紅酒市場流行的影響力,給酒評人、待酒師、酒商、釀酒師帶來檢討空間。為追求高分並且節省成本,酒莊都會聘用有「飛行✈️釀酒師」之稱嘅Michel Rolland作為顧問,至今已為20多個國家嘅150多家酒莊🏡提出釀酒改良建議。Rolland歸納出波爾多的葡萄酒特色 - 慢熟及耐久存放,並透過大規模釀酒技術變革,令改良後的紅酒更快帶出複雜性和獨一風味。當中要數為人最熟悉、富有爭議性嘅技術Micro–oxygenation(微氧合),係一種紅酒催陳方法,喺模擬橡木桶嘅科學化環境將微量氧氣注入紅酒,加快陳年作用,令飲家更適時享用新酒。 由Rolland科學改良紅酒普遍具有濃郁的果味🍇和明顯的橡木味道,都對應到Parker嘅口味,並且得到相對較高評分。即使葡萄喺不太好的年份收成,狀態生澀不穩定,仍然可以調較成為不錯嘅佳釀。不過,同時亦值得深思一下,科學改良固然對產量和品質重要,但不能忽視酒莊傳統以來嘅個性,有些酒莊過份追求分數,淪為隨波逐流。 下個禮拜,我地將會暢談一下Rolland近年於新世界產區的釀酒推動同埋歷年曾指導的酒莊。想知道有邊間Rolland指導嘅酒莊自己有無飲過,就記得唔好錯過﹗
按此返回主頁