0

【分享:寓飲酒於投資 Sovy酒友獨具慧眼】
上年11月,有酒友首次委託我地幫手買2箱2015年瑪歌期酒,貨啱啱返到香港🚚,再幫朕check下,由本來入貨每支港幣$6,700,今日出面已經📈賣$13,000一支,翻左一倍。嗰位酒友獨具慧眼,真係戥佢高興😆﹗ 之所以瑪歌2015年vintage可以炒🔥得起,事關佢好有紀念價值。首先,酒標一望已經好唔一樣,唔係白底啡字,而係絲網印刷、黑底金字嘅特別版。瑪歌酒莊同酒窖設施喺1815年落成,剛剛過200周年,加上由Norman Foster設計的全新酒窖以及研發中心正式落成,新酒標為紀念瑪歌新嘅里程碑。 然而,瑪歌釀酒師Paula Pontallier喺2016年離世,呢支酒成為佢最後遺作😥。所以,酒標底部特別註有"Hommage a Paula Pontallier" (向Paula Pontallier致敬),以紀念佢嘅成就。 淨係紀念性係唔夠,講到最尾要睇酒質🤔。Paula Pontallier認為瑪歌需要特別好年份來紀念大日子,酒質要異常優秀。果然,各大酒評家都對年輕嘅瑪歌有高度讚掦,James Suckling給予100分滿分,認容為令人難忘的年輕酒,而Robert Parker嘅Wine Advocate團隊給予98-100分,並預測2028-2070年為最佳品嘗時間。2015年瑪歌年輕時非常好飲,相信等多10年會擁有更好的複雜度、濃郁度,價格亦會隨之而增長。 平日鍾意飲紅酒嘅你,對呢種另類投資又有冇心郁郁呢?
按此返回主頁