又收到客人期酒實體原箱貨，今次係Lafite 2015，新鮮開箱👐畀大家睇，不過無得買啦。 事關Lafite係全世界最多假貨嘅名莊之一，收到都會格外留神👀，新貨到係要驗下先。自2012年開始，Lafite正牌、副牌都採用了Prooftag氣泡防偽技術，開封上有一條氣泡金屬條並附有13位字符，氣泡及字符組合都係獨一無二。若果有人想開封，換左啲酒，就一定要扭開金屬條，所以無金屬條或損毀金屬條都可能係假貨。 最重要都係上Lafite官網lafite.com查核一下氣泡點點嘅紀錄，留意點與點嘅空間、點的數量。點點肉眼睇係好細，真係「哈」人老花，最好用手機攝影放大功能幫幫手。 除咗Lafite，波爾多Ausone、Margaux、Latour、意大利酒Monteverro、加洲酒Chateau Montelena等名莊都採用呢個技術。 依家手機📱喺身咁方便，隨時隨地都可以幫支酒「驗明正身」啦﹗記得分享畀朋友，教佢地分正貨啦﹗