飲新世界酒好處就係唔需要抖氣，幾適合生活忙碌嘅香港飲家，一餐飯，一個鐘，嘆一支酒。 Sovy最近試左1支Robert Parker高分澳洲酒，2003年嘅酒陳年已有18年，果味成熟豐沛，完全沒有老年疲態，值得一試﹗ Burge Family創始人John Burge於1855年從英格蘭移居到澳洲巴羅薩谷，投身葡萄田農務。1928年，Burge家族第一代接班人Norman Burge釀造出享譽一時嘅加強型葡萄酒。後來，其長子Richard Burge從維多利亞州歸來繼承家業。 葡萄酒釀製技術方面，Richard認為橡木就似一位廚師，為酒調味。釀製Draycott 葡萄酒時使用法國橡木桶，以及少數美國橡木桶，新橡木桶控制比例喺20%到35%之間，令軟化單寧之餘，提升酒釀濃郁口感。 呢款2003年酒款中厚酒身，擁有深紅寶石色澤，好適合陳年，飲落口單寧順滑，有經典嘅甘草、黑莓、李子和橡木桶等味道。釀酒師充分理解西拉葡萄特性，酒風強而有力，果味集中，帶有辛香色彩，但餘韻相對短暫。 當日配餐係Pizza及意粉等到會菜式，味道明顯已被飽滿濃郁嘅酒比下去，建議配搭更濃味嘅食物，例如：牛扒、燒鵝，互相配合，相得益彰。 --- 任何3支/6支有94/92折，為鼓勵自助網站落單，使用轉數快或匯豐過數再減3%，可低至89折﹗ --- Burge Family, Draycott, 2003 （RP94分，Sovy香港獨賣) 單支$562 自助網站落單低至$502/支 按此訂購 更多Burge Family酒款:按此查看
只售予18歲或以上人仕，請先確定閣下已達合法喝酒年齡。