0

【小知識:Robert Parker成名史1982乜乜乜】
早兩個禮拜,我地介紹左Robert Parker同Michel Rolland,一個品酒、一個釀酒,真係史上最佳拍檔💪。大家一定以為係Parker帶挈Rolland先。錯,係Rolland帶挈Parker先,令佢能成為今時今日響噹噹嘅酒評人,而一切要追索到「1982」這個重要嘅年份﹗ Robert Parker嘅The Wine Advocate喺1978年出版,但佢嘅口味仍然係非常少眾。1982年夏天☀️,Parker夫婦為了擴大酒業人脈,就喺波爾多四圍登門頻撲,包括各大小酒莊,當然唔少得去左Rolland嘅實驗室。品嚐過Rolland製嘅酒🍷及交流一番之後,Rolland與新結識嘅兩位朋友非常投緣,決定邀請Parker出席1983年3月的期酒品鑑會。 當時,波爾多品鑑會只接受酒商、知名酒評家和媒體參與,Rolland的確賜予Parker一次大展身手嘅機會。1982年波爾多天氣炎熱而不乾燥,讓葡萄🍇得以較早成熟。The New York Times, The Wine Spectator及Robert Finigan's Private Guide三間美國傳媒權威都一致認為1982年的期酒低劣、不具陳年能力,都會推薦讀者買1979及1981年嘅紅酒,但只有Parker一人認為1982年波爾多自1961年以來最佳年份,果香濃郁,單寧柔和,陳釀潛質很高,並且喺自家雜誌The Wine Advocate中從美元匯率💵上漲、酒莊期酒定及期酒品質作投資分析。 同年,The Wine Spectator 當時嘅名總編James Suckling改變想法,表示同意Parker的說法。其後,當The Wine Advocate達10000訂閱戶時,Parker亦正式離開律師本業,全職發展雜誌,超愈當時所有嘅酒評雜誌。 回頭看,1982年波爾多出產了唔少猛酒,當然唔少得喺Parker手中攞滿分嘅Chateau Haut-Brion候伯王、Chateau Pichon-Longueville Comtesse de Lalande女爵,同埋唔少得華人地區街知巷聞嘅Chateau Lafite Rothschild拉菲。 雖然Parker已經退休,1982年Lafite近年再飲已經唔再畀滿分。不過,喺酒迷心目中,1982年vintage永遠係波爾多紅酒史上的傳奇﹗
按此返回主頁